ახალმა კვლევამ მეცნიერები გააოცა.
კეტოგენური დიეტა არასასურველი კილოგრამების მოსაშორებლად პოპულარულ საშუალებად იქცა. თუმცა, ბოლოდროინდელმა კვლევამ აჩვენა, რომ მას ასევე შეუძლია დაეხმაროს ორგანიზმს გრიპთან ბრძოლაში.
ექსპერიმენტისთვის იელის უნივერსიტეტის მეცნიერებმა გრიპის ვირუსით ინფიცირებული თაგვები ორ ჯგუფად დაყვეს. ერთ ჯგუფს დაბალნახშირწყლოვანი და ცხიმიანი საკვებით კვებავდნენ, ხოლო მეორეს - მაღალნახშირწყლოვანი საკვებით. პირველმა ჯგუფმა გადარჩენის უფრო მაღალი მაჩვენებელი აჩვენა.
გუნდმა აღმოაჩინა, რომ კეტოგენური დიეტა, ანუ შემოკლებით კეტო, იწვევდა იმუნური სისტემის უჯრედების გამოთავისუფლებას, რომლებიც ფილტვების ლორწოვან გარსში ლორწოს გამოიმუშავებენ. ეს უჯრედები ხელს უწყობენ ვირუსის ადრეულ ეტაპზე დაჭერას, რაც ხელს უშლის მის განვითარებას ორგანიზმში.
„ეს კვლევა აჩვენებს, რომ ორგანიზმის მიერ ცხიმის წვვის გზა, რათა ჩვენს მიერ მიღებულ საკვებში კეტონური სხეულები წარმოქმნას, შესაძლოა იმუნურ სისტემას გრიპის ინფექციასთან საბრძოლველად ასტიმულირებდეს“, - განაცხადეს მეცნიერებმა.
რით არის გამორჩეული კეტო დიეტა?
ჩვენს რაციონში მეტი ცხიმის დამატებით და ნახშირწყლების შემცირებით, ჩვენ ჩვენს სხეულს კეტოზის, ანუ ნახშირწყლების შიმშილის მდგომარეობაში ვაყენებთ. ამ მდგომარეობაში სხეული იწყებს ცხიმოვანი უჯრედების დაშლას ენერგიის მისაღებად.
ამ დიეტას ბევრი რამ აქვს საერთო ატკინსის დიეტასთან, რადგან ის ასევე გულისხმობს ნახშირწყლების მიღების მკვეთრ შემცირებას და მათ ცხიმებით ჩანაცვლებას.
რა არის დაშვებული?
- ხორცი
- ფოთლოვანი მწვანილი
- უსახამებლო ბოსტნეული
- მაღალი ცხიმიანობის რძის პროდუქტები
- თხილი და თესლი
- ავოკადო და კენკრა
- მცენარეული ზეთები
რა არ უნდა მიირთვათ?
- მარცვლეული, მათ შორის ბრინჯი და ხორბალი
- შაქარი, თაფლი და ნეკერჩხლის სიროფი
- ხილის უმეტესობა
- ჩვეულებრივი და ტკბილი კარტოფილი
