გერმანიის საზღვაო ძალების მთავარსარდალი, ვიცე-ადმირალი კაი-ახიმ შონბახი, თანამდებობიდან გადადგა მას შემდეგ, რაც დიპლომატიური სკანდალი გამოიწვია მისმა განცხადებებმა, რომ უკრაინა არასდროს დააბრუნებს რუსეთის მიერ ოკუპირებულ ყირიმს და არ უნდა იყოს ნატოში საქართველოსთან ერთად.
შონბახის განცხადებების შედეგი იყო ის, რომ მას თანამდებობიდან ჩამოართვეს.
გერმანული გამოცემის ცნობით, მან უკვე დაწერა გადადგომის შესახებ განცხადება. თავის მხრივ, გერმანიის თავდაცვის მინისტრმა კრისტინ ლამბრეხტმა გადადგომა დაამტკიცა.
ინდოეთის თავდაცვის კვლევების ინსტიტუტში გამართულ კონფერენციაზე შონბახმა განაცხადა, რომ რუსეთის მიერ ოკუპირებული ყირიმი, სავარაუდოდ, უკრაინას აღარასდროს დაუბრუნდება. „ყირიმი „წასულია“ და აღარასდროს დაბრუნდება - ეს ფაქტია. და ჩვენ ფაქტებით უნდა ვიხელმძღვანელოთ და არა ემოციებით“, - თქვა შონბახმა.
უკრაინის საგარეო საქმეთა სამინისტრომ გერმანიის საზღვაო ძალების მეთაურის, შონბახის მიერ გაკეთებული განცხადებები კატეგორიულად მიუღებელი უწოდა.
გერმანიის ელჩი ანკა ფელდჰუსენი შონბახის განცხადებების გამო უკრაინის საგარეო საქმეთა სამინისტროში დაიბარეს.
