ჟურნალისტების ცნობით, მასთან ერთად კიდევ ორი გერმანელი სახელმწიფო მოღვაწე წავა.
გერმანიის კანცლერი ოლაფ შოლცი კიევში ომის დაწყებიდან 109 დღის შემდეგ ჩასვლას გეგმავს.
ამის შესახებ Bild am Sonntag-ი უკრაინისა და საფრანგეთის მთავრობების წყაროებზე დაყრდნობით იტყობინება, თუმცა ოფიციალური ინფორმაცია ჯერ არ გამოქვეყნებულა.
ასევე, ჟურნალისტების ცნობით, მასთან ერთად კიდევ ორი გერმანელი სახელმწიფო მოღვაწე წავა.
გამოცემა ასევე აღნიშნავს, რომ შოლცი ბოლო ორი დღის განმავლობაში დასავლეთ ბალკანეთს სტუმრობდა. ექვსივე ქვეყანა (კოსოვო, სერბეთი, ალბანეთი, ჩრდილოეთ მაკედონია, მონტენეგრო და ბოსნია და ჰერცეგოვინა) ევროკავშირის წევრია. როგორც ამბობენ, მას სურს, ხელი შეუშალოს პუტინს რეგიონში ვითარების გაღვივებაში და იქ გავლენის გაზრდაში.
თავად კანცლერი შოლცი მიიჩნევს, რომ გერმანია უკრაინას „ყველაზე მეტად“ ეხმარება. მან დასძინა, რომ ბერლინი უკრაინის შეიარაღებულ ძალებს ყველაზე თანამედროვე საარტილერიო სისტემებით ამარაგებს.
როგორც ამბობენ, დუმილი დაარღვია და უკრაინის ომზე კომენტარი გააკეთა გერმანიის ყოფილმა კანცლერმა ანგელა მერკელმაც. მერკელმა რუსეთის მიმართ თავისი პოლიტიკის გამო ბოდიში არ მოიხადა და დასძინა, რომ რუსეთის უკრაინაზე თავდასხმაში საკუთარ თავს პასუხისმგებლად არ მიიჩნევდა. თუმცა, მან აღიარა, რომ „შეუძლებელი იყო ისეთი უსაფრთხოების არქიტექტურის შექმნა, რომელსაც ამის თავიდან აცილება შეეძლო“.
