პოლიტიკოსები ჩამოვიდნენ, რათა კიდევ ერთხელ დაედასტურებინათ უპირობო მხარდაჭერა უკრაინის სუვერენიტეტისა და მთელი ევროკავშირისგან დამოუკიდებლობის მიმართ.
პოლონეთის, ჩეხეთისა და სლოვენიის პრემიერ-მინისტრები კიევში შეხვდნენ. უკრაინის დედაქალაქში ასევე იმყოფება პოლონეთის მმართველი პარტიის „კანონი და სამართლიანობა“ ლიდერი იაროსლავ კაჩინსკი.
პოლონეთის პრემიერ-მინისტრმა მატეუშ მორავიეცკიმ შეხვედრის ამსახველი ფოტო თავის Twitter-ის გვერდზე გამოაქვეყნა.
„სწორედ აქ, ომით განადგურებულ კიევში, იქმნება ისტორია. სწორედ აქ იბრძვის თავისუფლება ტირანიის სამყაროს წინააღმდეგ. სწორედ აქ დევს ბეწვზე თითოეული ჩვენგანის მომავალი. ევროკავშირი უკრაინასთან დგას, რომელსაც შეუძლია მეგობრების დახმარების იმედი ჰქონდეს - ეს არის გზავნილი, რომელსაც დღეს კიევში ვაწვდით“, - წერს ის.
დელეგაციის შემადგენლობაში შედიოდნენ პოლონეთის პრემიერ მინისტრი მატეუშ მორავიეცკი, ვიცე-პრემიერი იაროსლავ კაჩინსკი, ჩეხეთის პრემიერ მინისტრი პეტრ ფიალა და სლოვენიის პრემიერ მინისტრი იანეზ იანშა.
კიევში პოლიტიკოსები შეხვდებიან პრემიერ-მინისტრ დენის შმიგალს და პრეზიდენტ ვოლოდიმირ ზელენსკის. ისინი დედაქალაქში გაემგზავრნენ, რათა კიდევ ერთხელ დაადასტურონ უპირობო მხარდაჭერა უკრაინის სუვერენიტეტისა და მთელი ევროკავშირისგან დამოუკიდებლობის მიმართ.
