პილოტების გაფიცვამ Lufthansa-ს დაახლოებით 130 000 მგზავრი დააზარალა.
DPA-ს ცნობით, 800-ზე მეტი რეისი გაუქმდა, რის გამოც ავიაკომპანიის ოპერაციები გერმანიაში თითქმის სრულად შეჩერდა 24 საათით.
გამონაკლისს წარმოადგენდა ზოგიერთი საერთაშორისო რეისი და მისი შვილობილი კომპანიის, Cityline-ის მიერ განხორციელებული რეისები.
გაფიცვა პროფკავშირების პასუხი იყო სამუშაო პირობებთან დაკავშირებული მოლაპარაკებების ჩავარდნაზე. აქტივისტები მოითხოვენ პილოტებისთვის ხელფასის 5.5%-ით გაზრდას ინფლაციის კომპენსაციის მიზნით.
„ლუფთჰანზას“ მენეჯმენტმა სასამართლოს მეშვეობით სცადა პროტესტის თავიდან აცილება, თუმცა უშედეგოდ. თუმცა, შრომის საარბიტრაჟო სასამართლოში გამართული მოსმენის შემდეგ, პროფკავშირებმა გადაწყვიტეს ხელფასების ინდექსაციის მოთხოვნის ხელახლა ფორმულირება.
