ევროკავშირის წევრი სახელმწიფოების საგარეო საქმეთა მინისტრებმა პოლიტიკური გადაწყვეტილება მიიღეს ალექსეი ნავალნის სავარაუდო მოწამვლაში სავარაუდოდ ჩართული პირებისა და ორგანიზაციების მიმართ სანქციების დაწესების შესახებ, იტყობინება TASS ლუქსემბურგში მიმდინარე ევროკავშირის საბჭოს ერთ-ერთი წევრი სახელმწიფოს დელეგაციის წყაროზე დაყრდნობით.
„მინისტრებმა მიიღეს პოლიტიკური გადაწყვეტილება, დააწესონ შემზღუდავი ზომები ნავალნის მოწამვლაში პასუხისმგებელი პირების წინააღმდეგ“, - განაცხადა წყარომ.
20 აგვისტოს, ნავალნი თვითმფრინავში ცუდად გახდა და ომსკის საავადმყოფოში გადაიყვანეს. ომსკში ექიმებმა პირველადი დიაგნოზი მეტაბოლური დარღვევა დაუდგინეს.
შემდეგ ნავალნი გერმანიაში გადაიყვანეს, სადაც ორი კვირის განმავლობაში კომაში იმყოფებოდა. გერმანელმა ექიმებმა დაადასტურეს, რომ ის „ნოვიჩოკის“ ჯგუფის ნივთიერებებით მოწამლეს. რუსეთმა ბერლინიდან ტესტის შედეგების შესახებ უფრო დეტალური ინფორმაცია მოითხოვა, თუმცა პასუხი ჯერ არ მიუღია.
ნავალნი საავადმყოფოდან გაწერეს და რეაბილიტაციის კურსს გადის.
