ორშაბათს, 25 ივნისს, ევროპის მაუწყებელთა კავშირმა (EBU) თავის ოფიციალურ ვებსაიტზე განაცხადა, რომ 2023 წლის ევროვიზიის სიმღერის კონკურსი დიდ ბრიტანეთში გაიმართება.
ბოლოს ის გაერთიანებულ სამეფოში 20 წელზე მეტი ხნის წინ ჩატარდა. სიმღერის კონკურსის მასპინძელი ქალაქი ჯერ არ გამოცხადებულა.
ივნისში გამოცხადდა, რომ უკრაინა 2023 წლის ევროვიზიას არ უმასპინძლებდა, მიუხედავად იმისა, რომ 2022 წლის სიმღერის კონკურსში უკრაინულმა ჯგუფმა „კალუშ ორკესტრმა“ გაიმარჯვა.
„მაისში ევროვიზიის სიმღერის კონკურსში გამარჯვების შემდეგ, ევროპის სამაუწყებლო კავშირმა განიხილა მომავალი წლის კონკურსის უკრაინის საზოგადოებრივ მაუწყებელთან ერთად მასპინძლობის ვარიანტები (...). ობიექტური ანალიზის შემდეგ, სარეკომენდაციო ჯგუფმა ღრმა სინანულით დაასკვნა, რომ არსებული ვითარების გათვალისწინებით, მაუწყებლის მიერ სიმღერის კონკურსის წესების შესაბამისად დადგმისა და ორგანიზებისთვის საჭირო უსაფრთხოების გარანტიების დაკმაყოფილება შეუძლებელია“, - ნათქვამია ევროპის სამაუწყებლო კავშირების განცხადებაში.
