რუსეთში მიიღეს კანონი, რომელიც მობილური ტელეფონებისა და პლანშეტების მწარმოებლებს ავალდებულებს, წინასწარ დააინსტალირონ ადგილობრივი RuStore აპლიკაციების მაღაზია.
წყაროს ცნობით, სახელმწიფო დუმამ კანონპროექტი მეორე და მესამე მოსმენით სამშაბათს მიიღო. წინასწარი ინსტალაციის გარდა, მწარმოებლებმა ასევე უნდა უზრუნველყონ RuStore-ის მეშვეობით გადახდის ვარიანტები.
კანონი პირდაპირ გავლენას ახდენს Apple-ზე, რომელმაც, მიუხედავად იმისა, რომ რუსეთში გაყიდვები შეაჩერა, ოფიციალურად არ გამოსულა ბაზრიდან. განმარტებით ბარათში ნათქვამია, რომ დოკუმენტი, პირველ რიგში, მიზნად ისახავს აპლიკაციებზე წვდომის უზრუნველყოფას, მათ შორის რუსული ბანკების აპლიკაციებზე, რომლებიც სანქციების გამო სისტემატურად ქრება App Store-დან.
ახლა, რუსეთის ბაზარზე გაყიდულ ყველა მოწყობილობას RuStore უნდა ჰქონდეს. ევროკავშირში Apple-ს უკვე მოეთხოვება ალტერნატიულ მაღაზიებზე წვდომის გახსნა და მსგავსი ნაბიჯები სხვა ქვეყნებშიც იდგმება. რუსეთმა ფაქტობრივად დაეწია ამ ტენდენციას, თუმცა საკუთარი „ეროვნული ელფერით“.
Apple-მა ჯერ კომენტარი არ გააკეთა ახალ კანონზე. თუმცა, ახლა რუსეთში მოწყობილობების გამყიდველ ნებისმიერ პირს არჩევანი არ ექნება — RuStore-მაც უნდა მიიღოს მონაწილეობა და მას სრული წვდომა უნდა მიენიჭოს, გადახდის ჩათვლით.
