იაპონურმა სტარტაპმა Tsubame Industries-მა წინასწარი შეკვეთების მიღება დაიწყო მასიური რობოტისთვის, რომელიც თითქოს პირდაპირ Gundam-ის ფრენჩაიზიდანაა გამოსული.
Archax რობოტი, რომელსაც სახელი დაახლოებით 150 მილიონი წლის წინ გადაშენებული არქეოპტერიქსის მიხედვით დაერქვა, 4.5 მეტრის სიმაღლისაა, 3.5 ტონას იწონის და შიგნიდან იმართება. ადამიანი-ოპერატორი განთავსებულია კონდიცირებულ კაბინაში, რომელიც აღჭურვილია ოთხი მონიტორით, რომლებიც გარემოს აფასებენ.
რობოტის ერთ-ერთი ყველაზე შთამბეჭდავი მახასიათებელია მისი როგორც ვერტიკალური, ასევე სატრანსპორტო საშუალების რეჟიმში გადაადგილების უნარი. სატრანსპორტო საშუალების რეჟიმში რობოტი მიწასთან უფრო ახლოს ეშვება და დაახლოებით 10 კმ/სთ სიჩქარით მოძრაობა შეუძლია.
„ცუბამე ინდასტრიზის“ 25 წლის აღმასრულებელმა დირექტორმა, რიო იოშიდამ, განაცხადა, რომ მას სურდა იაპონიაში ცნობილი ზოგიერთი ელემენტის - ანიმაციის, თამაშების, რობოტებისა და მანქანების - ერთში გაერთიანება.
«მინდოდა შემექმნა ისეთი რამ, რაც ეწერა: „ეს იაპონიაა“«
თითოეული რობოტის ღირებულება, სავარაუდოდ, დაახლოებით 2.7 მილიონი დოლარი იქნება. სტარტაპი გეგმავს ამ მანქანებიდან ხუთის აწყობას და გაყიდვას. კომპანია გვპირდება, რომ მიწოდებას ერთი წლის განმავლობაში დაიწყებს.
