ხარკოვის ოლქის ბოროვსკის რაიონში კიდევ ერთი მასობრივი საფლავი აღმოაჩინეს, რომელშიც სულ მცირე 17 მშვიდობიანი და სამხედრო პირის ცხედარია დაკრძალული, იტყობინება უკრაინის ეროვნული პოლიცია თავის Telegram არხზე. ამის შესახებ ასევე იტყობინება BBC Telegram არხიც.
„მაცხოვრებლებმა გამომძიებლებს უთხრეს, რომ ოკუპანტებმა დაღუპულთა ცხედრები მთელი ტერიტორიიდან შეაგროვეს. 13 აპრილს მათ ისინი ორი სატვირთო მანქანით ჩამოიყვანეს, ექსკავატორით 3 მეტრის სიღრმის ორმო ამოთხარეს და ყველა ცხედარი შიგ ჩაყარეს. შემდეგ, ტანკებმა სამარხი გაასწორეს“, - ნათქვამია ანგარიშში.
პოლიციის დეპარტამენტის ცნობით, ყველა ნაპოვნი ცხედარი სასამართლო-სამედიცინო ექსპერტიზაზე გადაიგზავნება, რათა დადგინდეს გარდაცვალების მიზეზი.
