რუსეთში ბოლო 24 საათის განმავლობაში კორონავირუსის 6760 ახალი შემთხვევა დაფიქსირდა, - ამის შესახებ ქვეყნის ვირუსის გავრცელებასთან ბრძოლის სამუშაო ჯგუფმა Telegram-ის არხზე განაცხადა.
ახალი შემთხვევები რუსეთის 83 რეგიონში დაფიქსირდა, მათი უმეტესობა მოსკოვსა და მოსკოვის ოლქში.
დღეისათვის, რუსეთში 85 რეგიონში დადასტურებულია ინფექციის 661 165 შემთხვევა. მთელი პერიოდის განმავლობაში დაფიქსირდა 9 683 გარდაცვალების შემთხვევა, ხოლო 428 978 გამოჯანმრთელდა.
30 ივნისიდან 1 ივლისის ჩათვლით ქვეყანაში კორონავირუსის ინფექციის 6 556 შემთხვევა დაფიქსირდა. ამ დროისთვის გარდაცვლილია 216 ადამიანი, გამოჯანმრთელებულია 10 281 ადამიანი.
მანამდე, ჯანდაცვის მსოფლიო ორგანიზაციის (WHO) წარმომადგენელმა რუსეთში, მელიტა ვუინოვიჩმა, განაცხადა, რომ ქვეყანა კორონავირუსთან ბრძოლაში „კარგ გზაზეა“. თუმცა, მან ხაზგასმით აღნიშნა, რომ რუსებმა სიფხიზლე უნდა შეინარჩუნონ, რადგან სიტუაცია შეიძლება შეიცვალოს.
