სამშაბათს, 3 მაისს, საღამოს მონაცემებით, რუსეთის ძალების მიერ განხორციელებულმა სარაკეტო თავდასხმებმა ცენტრალურ და დასავლეთ უკრაინაში ექვსი რკინიგზის სადგური დააზიანა.
„დღეს საღამოს რუსეთის ჯარებმა ცენტრალურ და დასავლეთ უკრაინაში ექვს რკინიგზის სადგურს შეუტიეს. თოთხმეტი სამგზავრო მატარებელი დაგვიანდა. პირველი უკვე გავიდა, დანარჩენები კი ორ საათში გავიდნენ“, - განაცხადა კამიშინმა.
მან ასევე დასძინა, რომ რაკეტების დარტყმების შედეგად „უკრზალიზნიცის“ არცერთი თანამშრომელი არ დაშავებულა. თუმცა, რაკეტების აფეთქებებმა რკინიგზის ინფრასტრუქტურა მნიშვნელოვნად დააზიანა.
შეგახსენებთ, რომ 3 მაისის საღამოს, უკრაინის თითქმის ყველა რეგიონში საჰაერო თავდასხმის სირენა ამოქმედდა. ამის შემდეგ ქვეყნის რამდენიმე ქალაქში, მათ შორის ლვოვში, ძლიერი აფეთქებები მოხდა.
