ტირასპოლმა 9 მაისს დაგეგმილი სამხედრო აღლუმი და „უკვდავი პოლკის“ მსვლელობა გააუქმა. ამის შესახებ არაღიარებული დნესტრისპირეთის ხელმძღვანელის, ვადიმ კრასნოსელსკის პრესსამსახურმა განაცხადა.
ამ გადაწყვეტილების მიზეზები არ არის დაკონკრეტებული.
მიუხედავად ამისა, დნესტრისპირეთის რეგიონის ყველა ქალაქში ყვავილების დადების ცერემონიები, მიტინგები და კონცერტები იმართება.
კრასნოსელსკიმ ბრძანა, რომ ვეტერანების მემორიალები, ძეგლები და სამარხები მოწესრიგებულიყო.
გასულ წელს, რეგიონში მომხდარი აფეთქებების სერიის გამო, დნესტრისპირეთში 9 მაისს დაგეგმილი სამხედრო აღლუმი და „უკვდავი პოლკის“ მსვლელობაც გაუქმდა.
