ნავთობკომპანია „ლუკოილის“ თავმჯდომარე რავილ მაგანოვი მოსკოვში, ცენტრალურ კლინიკურ საავადმყოფოში (CCH) ფანჯრიდან გადმოვარდნის შედეგად გარდაიცვალა.
„ინტერფაქსმა“ ასევე გაავრცელა ინფორმაცია მაგანოვის გარდაცვალების შესახებ. „დღეს დილით მაგანოვი ცენტრალური კლინიკური საავადმყოფოს პალატაში ფანჯრიდან გადმოვარდა. ის მიღებული ჭრილობების შედეგად გარდაიცვალა“, - განაცხადა სააგენტოს წყარომ.
ადგილზე რუსი სამართალდამცველები მუშაობენ.
მედიაში აღნიშნეს, რომ მათ ამ ინფორმაციის ოფიციალური დადასტურება ჯერ არ აქვთ.
მოგვიანებით, რუსი სამართალდამცავი ორგანოების წარმომადგენლებს შორის წყაროებმა განაცხადეს, რომ მაგანოვმა თავი მოიკლა.
1980-იან წლებში მაგანოვი მუშაობდა „ლანგეპასნეფტეგაზში“, რომელიც მოგვიანებით „ლუკოილის“ ნაწილი გახდა. კომპანიის დაარსების დღიდან ის „ლუკოილში“ მაღალ თანამდებობებს იკავებდა. 2006 წლიდან მაგანოვი კომპანიის პირველი აღმასრულებელი ვიცე-პრეზიდენტის თანამდებობას იკავებს.
2020 წელს, ნავთობკომპანიის დირექტორთა საბჭოს თავმჯდომარის, ვალერი გრაიფერის გარდაცვალების შემდეგ, იგი საბჭოს თავმჯდომარე გახდა და მმართველი საბჭო დატოვა.
რავილ მაგანოვი Tatneft-ის აღმასრულებელი დირექტორის ნაილ მაგანოვის ძმაა.
