რუსეთის კურსკის ოლქის ხელისუფლებამ სოფელ გლუშკოვოს მაცხოვრებლების სავალდებულო ევაკუაცია გამოაცხადა, იუწყება „ნოვაია გაზეტა ევროპა“
გადაწყვეტილება რეგიონულმა სამუშაო ჯგუფმა მიიღო, განაცხადა მოვალეობის შემსრულებელმა გუბერნატორმა ალექსეი სმირნოვმა. ევაკუაციას კოორდინაციას გაუწევენ სამართალდამცავი ორგანოები, სამხედროები, ადგილობრივი ადმინისტრაცია და მოხალისეთა ევაკუაციის ძალები.
ადრე კურსკის რეგიონში ევაკუაცია ნებაყოფლობითი იყო, თუმცა უკრაინის შეიარაღებული ძალების მიმდინარე შეტევის გამო, რომელიც 6 აგვისტოს დაიწყო, ხელისუფლებამ უსაფრთხოების ზომების გაძლიერების გადაწყვეტილება მიიღო. 13 აგვისტოს მონაცემებით, კურსკის რეგიონში 74 დასახლებული პუნქტი უკრაინის არმიის კონტროლის ქვეშ რჩება.
