ვილნიუსში გაიხსნა ევროკავშირში პირველი უკრაინული ცენტრი იმ მოქალაქეებისთვის, რომლებიც ომის გამო იძულებულნი გახდნენ დაეტოვებინათ უკრაინა.
ამის შესახებ გამოცემა „ევროპული პრავდას“ ცნობით, უკრაინის პრეზიდენტის ადმინისტრაციის პრესსამსახური იტყობინება.
კულტურული ცენტრი ორი ქვეყნის პირველი ლედების, ოლენა ზელენსკას და დიანა ნაუსედიენეს ინიციატივით შეიქმნა. შენობა ვიტაუტას მაგნუსის უნივერსიტეტმა გამოყო.
ვილნიუსში უკრაინული ცენტრის ხელმძღვანელი იყო ლიეტუვის დამოუკიდებლობის აქტის ხელმომწერი, ლიეტუვის ყოფილი ელჩი უკრაინაში ალგირდას კუმჟა.
უკრაინული ცენტრი ბავშვების, ახალგაზრდებისა და ზრდასრულებისთვის განათლების, კარიერული ხელმძღვანელობის, ფსიქოლოგიური მხარდაჭერისა და დასვენების ადგილად იქცევა.
აქ შეგიძლიათ თქვენი შვილები კლასგარეშე აქტივობებისთვის დატოვოთ, ლექციებზე, საგანმანათლებლო კურსებზე დაესწროთ ან დრო ჰობისთვის დაუთმოთ.
ცენტრი ასევე იქნება ქვეყნებს შორის კულტურული დიპლომატიის პლატფორმა, წარმოადგენს უკრაინას, მის კულტურასა და იდენტობას ლიეტუვაში, მონაწილეობას მიიღებს აკადემიურ აქტივობებში და უმასპინძლებს შემოქმედებით შეხვედრებს, კონცერტებსა და სხვა ღონისძიებებს.
რუსული აგრესიის დაწყებიდან ლიეტუვამ 50 ათასზე მეტი უკრაინელი ლტოლვილი მიიღო.
