, საფრანგეთმა, ევროპაში მეორე ქვეყანამ, კორონავირუსის შემთხვევების რაოდენობით ერთ მილიონს გადააჭარბა მონაცემებით ჯონს ჰოპკინსის უნივერსიტეტის პროექტის
ბოლო მონაცემებით, ქვეყანაში ინფიცირების 1,000,369 შემთხვევაა დაფიქსირებული. COVID-19-ით გამოწვეული გართულებებით 34,075 პაციენტი გარდაიცვალა.
საფრანგეთი მსოფლიოში მეშვიდე და ევროკავშირში მეორე ქვეყანა გახდა, სადაც კორონავირუსის დიაგნოზი მილიონზე მეტ ადამიანს დაუდასტურდა. 21 ოქტომბერს ესპანეთი ევროკავშირის პირველი ქვეყანა გახდა, რომელმაც ეს ზღვარი გადალახა. იმავე დღეს ჩეხეთის ხელისუფლებამ კორონავირუსის გავრცელების შესაჩერებლად მკაცრი ზომები გამოაცხადა.
ბოლო მონაცემებით, მსოფლიოში კორონავირუსის 41.3 მილიონზე მეტი შემთხვევაა დაფიქსირებული, გარდაიცვალა 1.13 მილიონზე მეტი, გამოჯანმრთელდა 28 მილიონი ადამიანი. ინფიცირების ყველაზე მაღალი მაჩვენებელი შეერთებულ შტატებში, ინდოეთში, ბრაზილიაში, რუსეთსა და არგენტინაში დაფიქსირდა.
