Apple-ი iPhone 13-ის ყველა მოდელს LiDAR სენსორით აღჭურვას გეგმავს DigiTimes-ის , მიწოდების ჯაჭვის წყაროებზე დაყრდნობით,
2020 წლის მარტში გამოშვებული iPad Pro პირველი იყო, რომელმაც ეს ლაზერული სენსორი დაამონტაჟა, ხოლო iPhone 12 Pro და 12 Pro Max მოგვიანებით აღიჭურვა. LiDAR გამოიყენება მიმდებარე ობიექტებამდე მანძილის გასაზომად ხუთ მეტრამდე რადიუსში. ეს ტექნოლოგია უზრუნველყოფს გაფართოებული გაძლიერებული რეალობის შესაძლებლობებს.
Apple ხშირად აღჭურავს მაღალი კლასის მოწყობილობებს უახლესი აპარატურული შესაძლებლობებით, სანამ შემდგომ წლებში მათ უფრო ხელმისაწვდომი მოწყობილობებისთვის გამოიყენებს. მაგალითად, iPhone 11 სერიაში მხოლოდ 11 Pro და 11 Pro Max სმარტფონებს ჰქონდათ OLED ეკრანები, ხოლო საბაზისო მოდელი გამოვიდა LCD დისპლეით. iPhone 12-ის ხაზში ყველა მოწყობილობა აღჭურვილია OLED ეკრანებით.
მოსალოდნელია, რომ Apple დაუბრუნდება iPhone 13 სერიის ტრადიციულ სექტემბრის გამოცხადების გრაფიკს, რომელიც ასევე მოიცავს ოთხ სმარტფონს.
