საფრანგეთის შინაგან საქმეთა მინისტრმა, ჟერალდ დარმანინმა, განაცხადა, რომ საფრანგეთის სამართალდამცავებმა ბრეტანის რეგიონში მიწისქვეშა რეივის წვეულება აღკვეთეს, რომელსაც ქვეყანაში კომენდანტის საათის მიუხედავად, დაახლოებით 2500 ადამიანი დაესწრო.
BFMTV-მ ადრე გაავრცელა ინფორმაცია, რომ ხუთშაბათს ლიურონის კომუნაში, მიტოვებულ ანგარებში ახალი წლის აღსანიშნავად რეივ წვეულება მოეწყო. ღონისძიებას მთელი საფრანგეთიდან და საზღვარგარეთიდან დაახლოებით 2500 ადამიანი დაესწრო. ჟანდარმებმა ჩარევა სცადეს, თუმცა იძულებულნი გახდნენ, არეულობა თავიდან აეცილებინათ, თუმცა მათი მცდელობა წარუმატებელი აღმოჩნდა. სამართალდამცავ ორგანოებს სხვადასხვა საგნები ესროლეს, რის შედეგადაც სამი ადამიანი დაშავდა, ხოლო უკანონო წვეულებაზე დამსწრეებმა ჟანდარმერიის მანქანასაც ცეცხლი წაუკიდეს. წვეულების დასაშლელად დამატებითი ძალები გამოიძახეს.
საფრანგეთის შინაგან საქმეთა მინისტრმა აღნიშნა, რომ სამართალდამცავებმა პარასკევს, საღამოს 10:00 საათიდან წვეულებაზე შესვლა დაბლოკეს და გამავალ პირებს ჯარიმებს აკისრებდნენ. სულ ხელისუფლებამ 1200-ზე მეტი ადამიანი დააჯარიმა. შინაგან საქმეთა მინისტრმა პირობა დადო, რომ ორგანიზატორები გამოვლინდებოდნენ და „დაისჯებოდნენ“.
„შიდა უსაფრთხოების ძალებმა, რომლებიც ჩემი თხოვნით მთელი ღამით იმყოფებოდნენ, ინტენსიური შემოწმების პარალელურად, ლიორონში რეივის წვეულების მშვიდობიანად შეწყვეტა განაპირობეს. ჩვენ ვაგრძელებთ შემოწმების ჩატარებას და ჯარიმების დაკისრებას თითოეული მონაწილისთვის, როგორც კი ისინი ადგილებს დატოვებენ“, - დაწერა საფრანგეთის შინაგან საქმეთა მინისტრმა Twitter-.
