ამის შესახებ განაცხადა Facebook-ზე
„მსოფლიოში არ არსებობს იღბლიანი ადამიანი, ვისთვისაც COVID-19 საფრთხეს არ წარმოადგენს. ყველა საკარანტინო ზომის მიუხედავად, მეც + შედეგი მივიღე. 37.5 მაქვს და ყველას 36.6-ს ვუსურვებ!“ - წერს ის.
პრეზიდენტმა აღნიშნა, რომ თავს კვლავ კარგად გრძნობს და დისტანციურად გააგრძელებს მუშაობას. ზაფხულის დასაწყისში ზელენსკის მეუღლეს, ოლენას, კორონავირუსი დაუდასტურდა. უკრაინის პირველი ლედი დროულად თვითიზოლაციაში იმყოფებოდა, მისი მეუღლე და შვილები კი ინფიცირებულები დარჩნენ.
COVID-19-ისგან უკვე გამოჯანმრთელებულ მსოფლიო ლიდერებს შორის არიან აშშ-ის პრეზიდენტი დონალდ ტრამპი, დიდი ბრიტანეთის პრემიერ-მინისტრი ბორის ჯონსონი, ბრაზილიის პრეზიდენტი ჟაირ ბოლსონარო, პოლონეთის პრეზიდენტი ანჯეი დუდა, ალექსანდრე ლუკაშენკო და რუსეთის პრემიერ-მინისტრი მიხაილ მიშუსტინი.
დღეისათვის დაფიქსირებული , რის შედეგადაც 8 500-ზე მეტი ადამიანი გარდაიცვალა. უკრაინის პრეზიდენტმა მხარი დაუჭირა ჯანდაცვის სამინისტროს წინადადებას ქვეყანაში „შაბათ-კვირის კარანტინის“ შემოღების შესახებ. მოსალოდნელია, რომ უახლოეს მომავალში შაბათ-კვირას მხოლოდ სასურსათო მაღაზიებს, ბენზინგასამართ სადგურებს, ვეტერინარულ კლინიკებსა და აფთიაქებს მიეცემათ მუშაობის უფლება.
