რუსეთის შეტევითი ოპერაციების განახლებას, სავარაუდოდ, საბრძოლო მასალის დეფიციტი ზღუდავს, ნათქვამია დიდი ბრიტანეთის სამხედრო დაზვერვის ახალ ანგარიშში, რომელიც უკრაინის ფრონტზე არსებულ ვითარებას ეხება.
ანგარიშში ნათქვამია, რომ რუსეთის არმიის გასულ თვეში დნეპრის მარჯვენა სანაპიროდან გასვლა უკრაინულ ძალებს საშუალებას აძლევს, დარტყმები განახორციელონ რუსეთის ლოგისტიკურ კვანძებსა და კომუნიკაციებზე.
საფრთხეების გამო, რუსული არმია იძულებული გახდა მომარაგების კვანძები, მათ შორის რკინიგზის სატრანზიტო პუნქტები, უფრო სამხრეთით და აღმოსავლეთით გადაეტანა.
„რუსეთში საბრძოლო მასალის დეფიციტი (რომელსაც ამ ლოგისტიკური პრობლემები ამწვავებს) სავარაუდოდ ერთ-ერთი მთავარი ფაქტორია, რომელიც ამჟამად ზღუდავს რუსეთის პოტენციალს, განაახლოს ეფექტური ფართომასშტაბიანი შეტევითი სახმელეთო ოპერაციები“, - ციტირებს BBC-ის რუსული სამსახური დაზვერვის ანგარიშს.
