OpenAI-ის აღმასრულებელ დირექტორთან, სემ ალტმანთან, რომლის კომპანიამაც შექმნა ცნობილი ChatGPT, პოდკასტის დროს, Microsoft-ის დამფუძნებელმა ბილ გეითსმა განაცხადა, რომ გარკვეული სამუშაო უკვე შეიძლება ხელოვნურ ინტელექტს ანდოს. თუმცა, გეითსმა გამოავლინა სამი ეკონომიკური სექტორი, რომლებიც, მისი აზრით, უახლოეს მომავალში ხელოვნური ინტელექტისგან დაცული იქნება.
გეითსის თქმით, ბიომედიცინის, ალტერნატიული ენერგიისა და ხელოვნური ინტელექტის სფეროებში მომუშავე სპეციალისტებს არაფრის არ უნდა ეშინოდეთ.
ფაქტია, რომ ხელოვნური ინტელექტის სფეროში უფრო რთული ალგორითმების შექმნის ტენდენცია შეინიშნება; ბიომედიცინა სწრაფ ზრდას განიცდის ინოვაციების, პერსონალიზებული მედიცინისა და დაავადებებთან ბრძოლის კვლევისა და განვითარების მზარდი მოთხოვნილების გამო; სუფთა ენერგიის სფეროში კი ინვესტიციების შესამჩნევი ზრდაა, რაც იწვევს ახალი ტექნოლოგიური გადაწყვეტილებების მოთხოვნას, რომელთა მართვაც მხოლოდ ადამიანებს შეუძლიათ.
