დასავლეთ შპიცბერგენის კუნძულზე პოლარულმა დათვმა უიარაღო ნიდერლანდელი მოქალაქე მოკლა.
ინციდენტი 28 აგვისტოს დილით, ლონგირბენის ქალაქთან ახლოს მდებარე ტურისტულ ბანაკში მოხდა. დათვი თავს დაესხა 38 წლის მამაკაცს, რომელიც ბანაკის მენეჯერად მუშაობდა. ჰოლანდიელი მიღებული ჭრილობების შედეგად გარდაიცვალა.
ცხოველს შემდგომში ესროლეს ადგილობრივმა მაცხოვრებლებმა, რომლებიც თავდასხმის დროს შემთხვევით ახლოს იმყოფებოდნენ. აღნიშნულია, რომ გარდაცვლილის გარდა, ბანაკში ექვსი ადამიანი იმყოფებოდა, რომლებსაც ცეცხლსასროლი იარაღი არ ჰქონდათ, რადგან მისი ტარება ბანაკის რეგულაციებით აკრძალულია.
20 ივლისს ჟურნალმა „Nature Climate Change“ გამოაქვეყნა კვლევის შედეგები, რომლის მიხედვითაც 2100 წლისთვის არქტიკაში პოლარული დათვების ქვეპოპულაციების უმეტესობა გადაშენების საფრთხის წინაშე აღმოჩნდება გლობალური დათბობით გამოწვეული ზღვის ყინულის დანაკარგის გამო. მეცნიერები აღნიშნავენ, რომ პოლარული დათვები ზღვის ყინულს სელაპებზე სანადიროდ იყენებენ. არქტიკაში თბილი სეზონის გახანგრძლივებისა და ზღვის ყინულის შემცირების გამო, დათვები ყოველწლიურად უფრო და უფრო მეტ დროს ატარებენ მატერიკზე.
