უკრაინის მიერ სახელმწიფო საზღვრის დარღვევის ინციდენტის შემდეგ, ბელორუსი მესაზღვრეები მომავალში მსგავსი ინციდენტების შემთხვევაში უკიდურესად მკაცრ ზომებს მიიღებენ. ამის შესახებ დღეს, 5 დეკემბერს, მოზირის სასაზღვრო რაზმის წარმომადგენელმა სერგეი პავლოვმა განაცხადა.
„საზღვრის შემდგომი დარღვევების შემთხვევაში, ბელორუსი მესაზღვრეები უკიდურესი სიმკაცრით იმოქმედებენ“, - ციტირებს Sputnik Belarus-ი პავლოვის სიტყვებს Telegram-ზე.
შეგახსენებთ, რომ 4 დეკემბერს, ბელარუსი-უკრაინის საზღვარზე, მოზირის სასაზღვრო რაზმის „ნოვაია რუდნიას“ საკონტროლო-გამშვებ პუნქტზე, ბელორუსიის საჰაერო სივრცის დარღვევა დაფიქსირდა. ბელარუსის სახელმწიფო სასაზღვრო კომიტეტმა გამოაქვეყნა კადრები, სადაც უკრაინული „მი-8“ ვერტმფრენი რესპუბლიკის სახელმწიფო საზღვარს არღვევს. მინსკმა ამის შესახებ კიევს აცნობა.
უკრაინის სახელმწიფო სასაზღვრო სამსახურის პრესმდივანმა ანდრეი დემჩენკომ უარყო ინფორმაცია, რომ უკრაინელი პილოტები ბელორუსის საჰაერო სივრცეს კვეთდნენ.
