დღეს, 28 თებერვალს, რუსმა ოკუპანტებმა ხარკოვის საცხოვრებელ უბნებს „გრადის“ ტიპის მრავლობითი სარაკეტო სისტემები ესროლეს. წინასწარი ინფორმაციით, მტრის დაბომბვის შედეგად 10-ზე მეტი ადამიანი დაიღუპა.
ამის შესახებ ინფორმაციას РБК-უკრაინა ხარკოვის რეგიონალური სახელმწიფო ადმინისტრაციისა და საგანგებო სიტუაციების სახელმწიფო სამსახურის მონაცემებზე დაყრდნობით ავრცელებს.
„ხარკოვის ბოლო დაბომბვის შემდეგ, სხვადასხვა სიმძიმის დაზიანებებით 31 ადამიანი გადაიყვანეს საავადმყოფოებში“, - განაცხადეს მაშველებმა და აღნიშნეს, რომ დაღუპულთა და დაშავებულთა რიცხვი შესაძლოა გაიზარდოს.
საგანგებო სიტუაციების სამსახურმა დასძინა, რომ დაღუპულთა რაოდენობა მოგვიანებით გამოცხადდება. ამასობაში, ხარკოვის რეგიონალური სახელმწიფო ადმინისტრაციის ხელმძღვანელმა ოლეჰ სინეგუბოვმა განაცხადა, რომ მტრის მიერ განხორციელებული სროლების შედეგად სულ მცირე 11 ადამიანი დაიღუპა.
მაშველების ცნობით, ბოლო 24 საათის განმავლობაში ხარკოვის საავადმყოფოებში 44 დაჭრილი გადაიყვანეს. ჰოსპიტალიზებულიდან შვიდი გარდაიცვალა.
