Lonvi Biosciences-ის ლაბორატორიის ჩინელმა მკვლევარებმა განაცხადეს პრეპარატის შექმნის შესახებ, რომელსაც შეუძლია ადამიანის სიცოცხლის 100 წლამდე ან მეტხანს გახანგრძლივება, წერს Snob.
დაბერების საწინააღმდეგო ახალი პროდუქტი ეფუძნება ნაერთ პროციანიდინ C1-ს (PCC1), რომელიც ყურძნის წიპწის ექსტრაქტშია ნაპოვნი.
სამეცნიერო აღმოჩენა თუ მარკეტინგული სენსაცია?
შანხაის მეცნიერების თქმით, PCC1 ლაბორატორიული თაგვების სიცოცხლის ხანგრძლივობას საშუალოდ 9.4%-ით ახანგრძლივებს, ხოლო თუ მკურნალობა ზრდასრულ ასაკში დაიწყება, 64.2%-ით. შემქმნელები აცხადებენ, რომ ნივთიერება ანადგურებს ე.წ. „ზომბი უჯრედებს“ - დაბერებულ უჯრედებს, რომლებიც წყვეტენ დაყოფას, მაგრამ აგრძელებენ დაგროვებას, რაც იწვევს ანთებას და აჩქარებს დაბერებას.
„Lonvi Biosciences“-ის მთავარმა ტექნოლოგიების ოფიცერმა ლიუ ცინხუამ განაცხადა: „150 წლამდე ცხოვრება ნამდვილად შესაძლებელია. ეს რამდენიმე წელიწადში რეალობად იქცევა“. აღმასრულებელმა დირექტორმა იპ ძუომ ამ განვითარებას თანამედროვე მეცნიერების „წმინდა გრაალი“ უწოდა.
გარღვევა დღეგრძელობის ინდუსტრიაში
„ნიუ-იორკ თაიმსი“ , რომ ჩინეთში სიცოცხლის გახანგრძლივების კვლევა საკამათო და ფსევდომეცნიერების ზღვარზე მყოფ საკითხად ითვლებოდა . თუმცა, სამთავრობო ინვესტიციებისა და კერძო სექტორის მხრიდან მზარდი ინტერესის წყალობით, სიცოცხლის ხანგრძლივობის კვლევა მედიცინის მომგებიან და ლეგიტიმურ ნაწილად იქცა.
დღეს ჩინეთში სიცოცხლის საშუალო ხანგრძლივობა 79 წელია - ხუთი წლით მეტი გლობალურ საშუალო მაჩვენებელზე. შედარებისთვის, რუსეთის ჯანდაცვის სამინისტროს 2023 წლის მონაცემებით, რუსეთში სიცოცხლის საშუალო ხანგრძლივობა 73,4 წელია.
