13 ივნისს ჩინეთში, შენიან-ჰაიკოუს G15 გზატკეცილზე საწვავის ავზი აფეთქდა, რის შედეგადაც სულ მცირე ოთხი ადამიანი დაიღუპა და დაახლოებით ორმოცდაათი დაშავდა.
ჩინეთის სახელმწიფო მედიაზე დაყრდნობით, AFP-ის ცნობით, ავარია ვენლინის ქალაქთან ახლოს, ჯეჟეიჯის აღმოსავლეთ პროვინციაში მოხდა.
ჯერჯერობით უცნობია, თუ რა გადაჰქონდათ ზუსტად სატვირთო მანქანაში, თუმცა აფეთქება იმდენად ძლიერი იყო, რომ ახლომდებარე შენობების ჩამონგრევა გამოიწვია, ხანძარმა კი რამდენიმე მანქანა გაანადგურა.
თვითმხილველების თქმით, აფეთქების შედეგად ტანკი სამ და ოთხსართულიან შენობებს რამდენიმე ასეული მეტრით გადაუფრინა. ადგილზე მეხანძრეები, მაშველები, პარამედიკოსები და სამართალდამცავი ორგანოების წარმომადგენლები მივიდნენ.
