ჩინეთის არმია ტაივანის გარშემო წვრთნების დროს პირველად გამოიყენებს შორი მოქმედების არტილერიას. ჩინეთის ძალები ჰიპერბგერით რაკეტა DF-17 (Dongfeng-17)-საც კი განალაგებენ.
ამის შესახებ ჩინურმა გამოცემა „გლობალ თაიმსმა“ განაცხადა. ზოგიერთი წვრთნის ზონა პირველად მოიცავს ტაივანიდან 20 კილომეტრის რადიუსში არსებულ ტერიტორიებს. ჟურნალისტების თქმით, სახალხო განმათავისუფლებელ არმიას შეუძლია კუნძულის სრული ბლოკირება და მასზე კონტროლის დამყარება.
გაზეთი წვრთნებში გამოსაყენებელ იარაღსა და აღჭურვილობას შემდეგ ჩამოთვლის: J-20 სტელს გამანადგურებელი, H-6K ბომბდამშენი, J-11 გამანადგურებელი, 052D ტიპის გამანადგურებელი, 056A ტიპის კორვეტი და DF-11 მოკლე რადიუსის ბალისტიკური რაკეტა. ასევე ჩართულია ადრეული გაფრთხილების თვითმფრინავი და DF-17 ჰიპერბგერითი რაკეტები.
„კუნძულზე რაკეტები გადაფრინდება და ეს უპრეცედენტოა“, - კომენტარი გააკეთა ჩინელმა სამხედრო ექსპერტმა ჟანგ სიუეფენგმა. მისი თქმით, წვრთნები აჩვენებს, რომ ჩინეთის სამხედრო ძალებს შეუძლიათ კუნძულის ბლოკადა და ტაივანის საკითხი „არამშვიდობიანი საშუალებებით“ მოაგვარონ.
თავის მხრივ, ჩინელმა სამხედრო ექსპერტმა სონგ ჟონგპინგმა აღნიშნა, რომ „ჩვენი საბრძოლო გეგმა აშშ-სა და ტაივანის ხელისუფლებას ეცნობა“. მან განაცხადა, რომ „მომავალში სამხედრო კონფლიქტის შემთხვევაში, სავარაუდოა, რომ ამჟამად განსახილველი ოპერაციული გეგმები პირდაპირ საბრძოლო მოქმედებების დროს განხორციელდება“.
