ჩინეთის ქალაქ შენჟენში, საბაჟოზე მამაკაცი დააკავეს, რომელიც ჰონგ-კონგიდან შარვალში დამალული 100-ზე მეტი გველის შემოტანას ცდილობდა, Channel News Asia . საბაჟოს თანამშრომლებმა მამაკაცი მას შემდეგ გააჩერეს, რაც მის ჯიბეებში რამდენიმე შეკრული პარკი შენიშნეს. პარკებში „ყველა ფორმის, ზომისა და ფერის“ გველები იყო.
ჩხრეკის შედეგად, საბაჟო ოფიცრებმა 104 გველი ამოიღეს, მათ შორის სიმინდის გველები. მათი უმეტესობა ჩინეთის მკვიდრი არ არის. ეჭვმიტანილისთვის სასჯელი ჯერ არ გამოცხადებულა.
ჩინეთი მსოფლიოში ცხოველებით ვაჭრობის ერთ-ერთ უდიდეს ცენტრად იქცა. ბოლო წლებში ხელისუფლებამ გააძლიერა ძალისხმევა უკანონო ვაჭრობის წინააღმდეგ საბრძოლველად. ბიოუსაფრთხოებისა და დაავადებათა კონტროლის შესახებ კანონის თანახმად, არაადგილობრივი სახეობების ნებართვის გარეშე იმპორტი აკრძალულია. დამრღვევები კანონის შესაბამისად დაისჯებიან.
