ჩინეთის ლიდერმა სი ძინპინმა თავი შეიკავა სამარყანდში შანხაის თანამშრომლობის ორგანიზაციის სამიტზე 11 სახელმწიფოს მეთაურთან ერთად გამართულ ვახშამზე დასწრებისგან.
როგორც „ევროპული პრავდა“ იტყობინება, ამის შესახებ „როიტერი“ უზბეკეთის მთავრობაში წყაროზე დაყრდნობით წერს.
სი ძინპინი, რომელიც პანდემიის დაწყებიდან პირველ საზღვარგარეთულ მოგზაურობას ახორციელებს, ამ კვირაში ჩინეთისა და რუსეთის ხელმძღვანელობით შანხაის თანამშრომლობის ორგანიზაციის შეხვედრას ესწრება.
თუმცა, ის არ იყო გამოსახული ხუთშაბათს საღამოს გამოქვეყნებულ ჯგუფურ ფოტოებში, როდესაც ლიდერები, მათ შორის რუსეთის პრეზიდენტი ვლადიმერ პუტინი და თურქეთის პრეზიდენტი რეჯეფ თაიფ ერდოღანი, ვახშამზე მიდიოდნენ.
უზბეკეთის მთავრობის წყარომ დაადასტურა სი ძინპინის არყოფნა და თქვა, რომ ჩინეთის დელეგაციამ ამის მიზეზად მათი COVID-19-თან დაკავშირებული პოლიტიკა დაასახელა.
69 წლის სი ძინპინი მომავალ თვეში დაწყებულ კომუნისტური პარტიის ყრილობაზე ისტორიულ მესამე ვადას მოიგებს.
შეგახსენებთ, რომ თეთრმა სახლმა მოუწოდა ჩინეთს, არ დაუჭიროს მხარი რუსეთს უკრაინის წინააღმდეგ ომში და განაცხადა, რომ ყველამ უნდა დაუპირისპირდეს მოსკოვის აგრესიას და არ უნდა იდგეს უმოქმედოდ.
