, ჩინეთის ელჩმა საფრანგეთში, ლუ შაიმ, ინტერვიუში კითხვის ნიშნის ქვეშ დააყენა ყოფილი საბჭოთა ქვეყნების სუვერენიტეტი და ყირიმის საკუთრება უკრაინაზე.
„საერთაშორისო სამართლის თანახმად, ყოფილი საბჭოთა კავშირის ქვეყნებს არ აქვთ ვალიდური სტატუსი, რადგან არ არსებობს საერთაშორისო შეთანხმება, რომელიც მათ, როგორც სუვერენული ქვეყნების, სტატუსს განახორციელებდა“, - განუცხადა დიპლომატმა ჟურნალისტებს.
ინტერვიუს დროს ლუს ასევე ჰკითხეს, თუ რომელ ქვეყანას ეკუთვნის ყირიმი, რაზეც ელჩმა უპასუხა: „ეს დამოკიდებულია იმაზე, თუ როგორ უყურებთ ამ საკითხს“, რადგან ნახევარკუნძული ადრე „რუსული“ იყო. როდესაც ჟურნალისტმა თავისი პოზიციის დაზუსტება სთხოვა, დიპლომატმა განაცხადა, რომ აუცილებელია „ასეთ საკითხებზე კამათი შეწყდეს“.
ჩინეთის ელჩის კომენტარებმა ევროპელი პოლიტიკოსებისა და დიპლომატების რეაქცია გამოიწვია. კერძოდ, საფრანგეთის საგარეო საქმეთა სამინისტრომ პეკინისგან მოითხოვა პასუხის გაცემა, ასახავს თუ არა ელჩის კომენტარები ჩინეთის პოზიციას. ლატვიის საგარეო საქმეთა მინისტრმა ედგარს რინკევიჩმა ელჩის კომენტარებს „სრულიად მიუღებელი“ უწოდა. „ჩვენ ველით ჩინეთის მხარისგან განმარტებას და ამ განცხადების სრულ უარყოფას“, - დასძინა დიპლომატმა.
უკრაინის ელჩმა საფრანგეთში, ვადიმ ომელჩენკომ, დაწერა , რომ ლუს სიტყვები ეწინააღმდეგება ჩინეთის ოფიციალურ პოზიციას. „აქ ორაზროვნების ადგილი არ არის. ყირიმი უკრაინაა. საბჭოთა იმპერია აღარ არსებობს. ისტორია გრძელდება“, - ხაზგასმით აღნიშნა ელჩმა.
1994 წელს ჩინეთმა აღიარა ბუდაპეშტის მემორანდუმი, რომლის მიხედვითაც რუსეთმა აღიარა უკრაინის საზღვრები, ხოლო კიევი დათანხმდა საბჭოთა ეპოქის ბირთვული იარაღის გადაცემას.
