გერმანიის კანცლერმა ოლაფ შოლცმა განაცხადა, რომ კრემლის დიქტატორმა ვლადიმერ პუტინმა პასუხი უნდა აგოს ყველაფერზე, რაც უკრაინაში ჩაიდინა. ამ მიზნით, გერმანია მზადაა, არსებული პრაქტიკის საწინააღმდეგოდ, უკრაინის შეიარაღებულ ძალებს იარაღი პირდაპირ საბრძოლო მოქმედებების ზონაში მიაწოდოს.
ბუნდესტაგის თავმჯდომარის განცხადებები Der Spiegel-მა გაავრცელა. გერმანია ასევე აპირებს რუსეთის წინააღმდეგ სანქციების გაგრძელებას.
„და ეს ერთადერთი არ არის. უკრაინისთვის კვლავ რჩება ჰუმანიტარული, ეკონომიკური და ფინანსური მხარდაჭერა. და, შესაბამისად, იარაღის მიწოდება ასეთ საომარ ზონაში - რაც ჩვენ, როგორც ფედერაციულ რესპუბლიკას, არასდროს გაგვიკეთებია“, - აღნიშნა გერმანიის მთავრობის მეთაურმა.
შოლცმა ასევე დასძინა, რომ გერმანია ცდილობს შეინარჩუნოს სოლიდარობა სუსტებთან. ამ შემთხვევაში კი, უკრაინა სწორედ ის სახელმწიფოა, რომლის მიტაცებაც „მსოფლიოში მეორე არმიას“ სურს.
„ჩვენ გადავწყვიტეთ, დავეხმაროთ ამ აგრესიული ომის მსხვერპლებს, რათა უსამართლობამ არ გაიმარჯვოს სამართალზე და არ გაიმარჯვოს უხეში ძალა, როგორც პოლიტიკის საშუალებამ“, - აღნიშნა კანცლერმა.
მანამდე, საგარეო საქმეთა მინისტრმა დმიტრო კულებამ აშშ-დან უკრაინაში მძიმე შეიარაღების ახალი მიწოდების შესახებ განაცხადა. ოფიციალურმა პირმა ეს განცხადება აშშ-ის სახელმწიფო მდივან ენტონი ბლინკენთან საუბრის შემდეგ გააკეთა.
