გერმანიის კანცლერმა ოლაფ შოლცმა მიესალმა ბუნდესტაგის მიერ უკრაინისთვის რუსეთთან ომში გამოსაყენებლად მძიმე შეიარაღების მიწოდების დამტკიცებას. მან პირობა დადო, რომ გააგრძელებდა უკრაინის მხარდაჭერას.
შოლცის სიტყვები გერმანულმა გამოცემა inFranken.de-მ მოიყვანა. ახლა, მისი თქმით, უკრაინელმა ჯარისკაცებმა ამ იარაღის გამოყენება უნდა ისწავლონ.
„ძალიან მადლიერი ვარ გერმანიის ბუნდესტაგის მიერ დღეს ჩემი ხელმძღვანელობით მთავრობის პოლიტიკისადმი გამოხატული მკაფიო მხარდაჭერისთვის... კარგია, რომ დებატებში ახლა მკაფიო სიგნალი გაიგზავნა“, - განაცხადა შოლცმა.
გამოცემა აღნიშნავს, რომ მან არ უპასუხა კითხვას, დაამტკიცებდა თუ არა ფედერალური მთავრობა „ლეოპარდის“ ტიპის საბრძოლო ტანკების, „მარდერის“ ტიპის ქვეითი საბრძოლო მანქანების ან „პანცერჰაუბიცენ 2000“-ის (40 კილომეტრიანი მოქმედების რადიუსით მძიმე არტილერია) მიწოდებას, რასაც უკრაინაც ითხოვს.
მანამდე, ბუნდესტაგმა დიდი უპირატესობით დაუჭირა მხარი უკრაინისთვის მძიმე შეიარაღების მიწოდებას. სახელობითი კენჭისყრის დროს წინადადებას მხარი 586-მა წევრმა დაუჭირა. ასმა წინააღმდეგ მისცა ხმა, ხოლო შვიდმა თავი შეიკავა.
