შვედეთი ოფიციალურად 11 მარტს გახდება ნატოს წევრი, იტყობინება TV4 Nyheterna.
„შვედეთის დროშა ორშაბათს შუადღისას ბრიუსელში, ნატოს შტაბ-ბინაში აღიმართება. ეს ქვეყნის ნატოში წევრობის დასაწყისს აღნიშნავს“, - ნათქვამია არხზე გავრცელებულ განცხადებაში.
გაწევრიანების ცერემონია ბრიუსელში გაიმართება. ხელი მოეწერება შესაბამის დოკუმენტებს და აღიმართება დროშა.
შვედეთი ნატოს 32-ე წევრი გახდება. უნგრეთმა ადრე რატიფიცირება გაუკეთა სტოკჰოლმის ალიანსში გაწევრიანების განაცხადს. ფინეთი სამხედრო ბლოკში გასულ წელს მიიღეს.
