დიდი ხნის ნანატრი თამაშის, Grand Theft Auto VI-ის გამოსვლის თარიღი შესაძლოა 2025 წლის 17 სექტემბერი იყოს, იტყობინება 80LV.
ეს ინფორმაცია ურუგვაული საცალო ვაჭრობის ქსელის XUruguay-ის ვებსაიტზე გამოჩნდა, სადაც თამაშის PlayStation 5 ვერსიის გვერდი იყო განთავსებული.
გარკვეული დროის შემდეგ, ვებსაიტიდან ზუსტი გამოსვლის თარიღი წაიშალა, მაგრამ თამაშის აღწერა დარჩა, მათ შორის ლეონიდასის შტატისა და ვაის სიტის ქალაქის ხსენება. 2023 წლის ბოლოს გამომცემელმა Take-Two-მ გამოაცხადა, რომ თამაში 2025 წლის შემოდგომაზე გამოვიდოდა, თუმცა კონკრეტული თარიღის გარეშე.
რეალური გაჟონვა თუ მაღაზიის შეცდომა?
ჟურნალისტები აღნიშნავენ, რომ XUruguay არის PlayStation-ის ოფიციალური საცალო ვაჭრობის ობიექტი ურუგვაიში და, თეორიულად, შესაძლოა ჰქონდეს ინფორმაცია თამაშის გამოსვლის თარიღის შესახებ. თუმცა, 17 სექტემბრის თარიღი შესაძლოა გვერდზე დროებითი დამატება ყოფილიყო.
ფასი შეიძლება შეიცვალოს
Epyllion-ის ანალიტიკოსმა მეთიუ ბოლმა ადრე იწინასწარმეტყველა, რომ GTA VI 80-დან 100 დოლარამდე ეღირება. ის თვლის, რომ ეს დეველოპერებს საშუალებას მისცემს მაქსიმალურად გაზარდონ მოგება და გავლენა მოახდინონ ვიდეო თამაშების ბაზარზე.
