ირანში 94 წლის ასაკში გარდაიცვალა კაცი, რომელსაც „მსოფლიოში ყველაზე ჭუჭყიან კაცს“ უწოდებდნენ. გამოცემა „გარდიანი“ და „ბიბისი“ იუწყებიან, რომ ჰაჯი 60 წელზე მეტი ხნის განმავლობაში არ იყო დაბანილი.
მამაკაცმა ცხოვრების უმეტესი ნაწილი ფარსის პროვინციის სოფელ დეჯგაში გაატარა. ადგილობრივების თქმით, ჰაჯიმ ახალგაზრდობაში „ემოციური ჩავარდნები“ განიცადა, რამაც ბანაობაზე უარის თქმა აიძულა. BBC იუწყება, რომ „ის შეშინებული იყო, რომ საპონსა და წყალს შეეძლო მისი სასიკვდილო დაავადება გამოეწვია“.
ბიძია ჰაჯი (ეს სპარსულიდან „ამუ ჰაჯის“ სიტყვასიტყვით თარგმანია) ადგილობრივი ღირსშესანიშნაობის მსგავსს წარმოადგენდა და მედიის წარმომადგენლები, მათ შორის დედაქალაქიდან, პერიოდულად სტუმრობდნენ მას.
ამგვარად, 2014 წელს გაზეთ „თეირან თაიმსთან“ ინტერვიუში ჰაჯიმ აღიარა, რომ ყველაზე მეტად ზღარბის ხორცი მოსწონს და მიწაში ორმოში ცხოვრებას ამჯობინებს, თუმცა ხანდახან ღამეს ქოხში ატარებს, რომელიც კეთილმა მეზობლებმა სპეციალურად მისთვის ააშენეს.
ამუ ჰაჯი ასევე თამბაქოს დიდი მოყვარული იყო და ზოგჯერ ერთდროულად რამდენიმე სიგარეტს ეწეოდა. საპნისა და ტილოს გარეშე გატარებული ხანგრძლივი წლების განმავლობაში, განდეგილის კანი გაშავდა და ჭვარტლით დაიფარა, თუმცა ეს მას საერთოდ არ აწუხებდა.
რამდენიმე თვის წინ, ადგილობრივებმა საბოლოოდ დაარწმუნეს იგი, რომ დიდი ხნის შემდეგ პირველად დაებანა თავი, იუწყება The Guardian. გარდაცვალების ზუსტი მიზეზი უცნობია, მაგრამ BBC წერს, რომ „შეიძლება ვივარაუდოთ, რომ მისი ჰიგიენური ჩვევების უეცარმა ცვლილებამ მას სიკეთე არ მოუტანა“.
ამუ ჰაჯის გარდაცვალების შემდეგ, არაოფიციალური რეკორდსმენი შესაძლოა ინდოელი კაილაშ „კალაუ“ სინგჰი იყოს, რომელიც ასევე სიცოცხლის უმეტესი ნაწილი უბანავად ცხოვრობდა.
