ჟურნალ „ლანცეტის“ ცნობით, რუსეთს ევროპის ქვეყნებს შორის ჯანსაღი სიცოცხლის ყველაზე დაბალი ხანგრძლივობა აქვს.
მკვლევრებმა გამოთვალეს DALY (ინვალიდობაზე მორგებული სიცოცხლის წელი) ინდიკატორი, რომელიც წარმოადგენს ჯანმრთელობის პრობლემების გამო დაკარგული სიცოცხლის წლების რაოდენობას. რაც უფრო მაღალია ეს მაჩვენებელი, მით უფრო მეტი ქრონიკული დაავადებით იტანჯება მოსახლეობა.
რუსეთში ეს მაჩვენებელი ბოლო 10 წლის განმავლობაში ყოველწლიურად საშუალოდ 2%-ით შემცირდა. თუმცა, ამ პროგრესის მიუხედავად, რუსეთის ფედერაცია ჯანსაღი სიცოცხლის ხანგრძლივობის მიხედვით ევროპაში ბოლო ადგილზეა.
2019 წელს ეს მაჩვენებელი 63.7 წლით შეფასდა. სიის სათავეში ისლანდია იმყოფება (71.9 წელი). მეცნიერები რუსეთში სიცოცხლის მაღალ ხანგრძლივობას მოწევით, ალკოჰოლის მოხმარებით, არასწორი კვებით და დაბალი ფიზიკური აქტივობით გამოწვეული არაგადამდები დაავადებების მაღალ რისკს მიაწერენ.
