ფინეთის პრემიერ-მინისტრის, სანა მარინის განცხადებით, ფინეთმა უკვე გაუწია მხარდაჭერა უკრაინას რუსეთის სრულმასშტაბიანი შემოჭრის შემდეგ და ამზადებს ჰუმანიტარული და სამხედრო დახმარების კიდევ ერთ პაკეტს.
პრემიერ-მინისტრის თქმით, ფინეთის მთავრობა ამზადებს „ახალ გადაწყვეტილებას ჰუმანიტარული დახმარებისა და რეკონსტრუქციის მხარდაჭერის შესახებ — დაახლოებით 70 მილიონი ევროს ოდენობის თანხა“. მარინმა ასევე ხაზგასმით აღნიშნა, რომ 5 მაისს „მიღებულ იქნა გადაწყვეტილება უკრაინის ახალი თავდაცვითი აღჭურვილობით დახმარების შესახებ“.
„უკრაინა მთელი ევროპისთვის იბრძვის და ომს იგებს. ჩვენი ფიქრები თქვენთანაა. ჩვენ მხარს ვუჭერთ უკრაინისა და მისი მამაცი ხალხის მომავალს. ფინეთი მზადაა თავისი როლი შეასრულოს“, - ხაზგასმით აღნიშნა პრემიერ-მინისტრმა.
მარინმა დასძინა, რომ ფინეთი მზადაა გაამკაცროს სანქციები რუსეთის წინააღმდეგ. ქვეყანა თანამშრომლობს უკრაინის მთავრობასთან და ემზადება ლტოლვილების, მათ შორის შეზღუდული შესაძლებლობის მქონე უკრაინელების, ფინეთში გადასაყვანად.
