ფინეთის პრემიერ-მინისტრმა სანა მარინმა ეჭვის თავიდან ასაცილებლად ნარკოტესტი ჩააბარა. Yle-ს ცნობით, ამის მიზეზი მისი წვეულებაზე დასწრების სკანდალური ვიდეო გახდა.
„ბოლო დღეებში საკმაოდ სერიოზული ბრალდებები გაკეთდა, რომ ნარკოტიკებს ვიყენებდი. ამ ბრალდებებს ძალიან სერიოზულად და მნიშვნელოვნად მივიჩნევ. ჩემივე სამართლებრივი დაცვის მიზნით, მიუხედავად იმისა, რომ ნარკოტესტის მოთხოვნას უსაფუძვლოდ მივიჩნევ, დღეს ნარკოტესტი ჩავიტარე, რათა ამ ეჭვებისგან გავთავისუფლებულიყავი“, - განაცხადა მარინმა.
ფინეთის პრემიერ-მინისტრმა დასძინა, რომ შედეგები ერთ კვირაში იქნება მზად და მედიაში გამოქვეყნდება. მან თქვა, რომ არასდროს მოუხმარია ნარკოტიკები, თუნდაც მოზარდობის ასაკში.
