„კარლსბერგის ჯგუფის“ შემადგენლობაში შემავალი „ბალტიკას“ ლუდსახარშის დროებითი მენეჯმენტის შემოღება საკუთრების სტრუქტურას არ ცვლის; ორგანიზაცია სახელმწიფო საკუთრებაში არ გადასულა, იტყობინება „ტასი“ 1 ნოემბერს, ფინანსთა სამინისტროს პასუხზე დაყრდნობით.
ასე უპასუხა დეპარტამენტმა დანიური „კარლსბერგ ჯგუფის“ აღმასრულებელი დირექტორის, იაკობ აარუპ-ანდერსენის განცხადებას, რომელმაც რუსეთის ხელისუფლება ჰოლდინგის რუსული აქტივების „მოპარვაში“ დაადანაშაულა.
„შპს „ბალტიკა ლუდსახარში“ სახელმწიფო საკუთრებაში არ არის. დროებით მმართველად დაინიშნა „როსიმუშჩესტვო“, რომელიც ახორციელებს მესაკუთრის უფლებამოსილებებს, გარდა ქონების განკარგვის უფლებამოსილებისა. დროებითი მმართველობა არ გულისხმობს საკუთრების სტრუქტურის რაიმე ცვლილებას“, - იტყობინება რუსეთის ფინანსთა სამინისტროს პრესსამსახური.
მანამდე, Carlsberg Group-ის აღმასრულებელმა დირექტორმა განაცხადა, რომ კომპანიამ გაწყვიტა ყველანაირი კავშირი თავის რუსულ ბიზნესთან და არ დათანხმდებოდა მოსკოვთან გარიგებას, რომელიც „აქტივების ჩამორთმევის ლეგალიზაციის“ საშუალებას მისცემდა.
