ინციდენტის გამოძიება პოლიციამ საკუთარ თავზე აიღო.
11 ოქტომბერს, საინფორმაციო სააგენტო „რია ნოვოსტის“ ცნობით, გერმანულმა გაზეთმა „ფრანკფურტერ ალგემაინე ცაიტუნგმა“ გაავრცელა ინფორმაცია, რომ უცნობმა პირებმა ბერლინში რუსეთის საელჩოს ბოთლები და საღებავის ქილები ესროლეს.
მედია საშუალებების მიერ მოყვანილი პოლიციის ცნობების თანახმად, ორშაბათს გვიან საღამოს, რამდენიმე ადამიანმა რუსეთის საელჩოს წითელი საღებავის ბოთლები და ქილები ესროლა, რაც შენობის მოაჯირებსა და კარიბჭეს მოხვდა. ინციდენტის შედეგად არცერთი დიპლომატი ან მათი ოჯახის წევრი არ დაშავებულა.
მედიის ცნობით, წყალში ხსნადი საღებავი საელჩოს თანამშრომლებმა უკვე მოაშორეს.
როგორც ცნობილია, პოლიციამ ინციდენტის გამოძიება უკვე დაიწყო.
