კიროვოგრადის რეგიონში არიან დაღუპულები და დაჭრილები.
უკრაინის საჰაერო თავდაცვის ძალებმა ოდესის ოლქის მიმართულებით გაშვებული სამი მოწინააღმდეგის რაკეტა ჩამოაგდეს.
ამის შესახებ ჟურნალისტებს სამხრეთის ოპერატიულმა სარდლობამ აცნობა.
აღსანიშნავია, რომ დღეს მტერმა კიდევ ერთხელ განახორციელა სარაკეტო შეტევა უკრაინის რამდენიმე რეგიონზე.
„სამხრეთის მიმართულებით, ჩვენი პასუხისმგებლობის არეალში, ეს მოიცავს ოდესისა და კიროვოგრადის ოლქებს. კასპიის ზღვიდან გასროლილი ორი რაკეტა კიროვოგრადის ოლქის რკინიგზის ინფრასტრუქტურას მოხვდა, რასაც სამწუხაროდ მსხვერპლი მოჰყვა. ოდესის ოლქისკენ მიმართული კიდევ სამი რაკეტა საჰაერო თავდაცვის ძალებმა გაანეიტრალეს“, - ნათქვამია განცხადებაში.
ადრე გავრცელდა ინფორმაცია, რომ უკრაინის საჰაერო თავდაცვის ძალებმა მტრის სამი ფრთოსანი რაკეტა ჩამოაგდეს, რომელთაგან ორი ვინიცასკენ, ხოლო მესამე კიევის მახლობლად იყო მიმართული.
