ამერიკულმა ჟურნალმა Time-მა უკრაინის პრეზიდენტი ვოლოდიმირ ზელენსკი წლის ადამიანად დაასახელა.
სხვადასხვა დროს, Time-მა სხვა სახელმწიფოების მეთაურებიც დაასახელა „წლის ადამიანად“, მათ შორის რონალდ რეიგანი (1980 და 1983 წლებში) და მიხეილ გორბაჩოვი (1987 და 1989 წლებში). წლის ადამიანებად ასევე დასახელდნენ პაპი იოანე პავლე II და Facebook-ის დამფუძნებელი მარკ ცუკერბერგი. გასულ წელს წლის ადამიანად მილიარდერი ილონ მასკი დასახელდა.
„ტაიმის“ განცხადებაში აღნიშნულია, რომ ვოლოდიმირ ზელენსკი არა მხოლოდ თავისი ქვეყნის პრეზიდენტია, არამედ მთავარსარდალიც 2022 წლის თებერვალში რუსეთის მიერ უკრაინაში შეჭრის შემდეგ. ჟურნალისტებმა ზელენსკის „უკრაინის სული“ უწოდეს, რაც უკრაინელი ხალხის მდგრადობასა და უკრაინის წინააღმდეგობას განასახიერებს.
ჟურნალმა „ტაიმმა“ გამოაქვეყნა საიმონ შუსტერის ვრცელი რეპორტაჟი, რომელიც ზელენსკის უკრაინაში მოგზაურობისას ახლდა თან, მათ შორის რუსული ოკუპაციისგან გათავისუფლებულ ხერსონში.
