რადიო „თავისუფალი ევროპის“/„რადიო თავისუფლების“ ბრიუსელის კორესპონდენტმა რიკარდ იოზვიაკმა განაცხადა, რომ ევროკომისია უკრაინისთვის ევროკავშირის წევრობის კანდიდატის სტატუსის მინიჭების რეკომენდაციას გაუწევს, თუმცა გარკვეული პირობებით.
იგივე ეხება მოლდოვასაც, მაგრამ საქართველოსთან დაკავშირებით საკითხი ღიად რჩება.
„ევროკომისიამ დღეს წინასწარი დებატები გამართა უკრაინის, მოლდოვასა და საქართველოს წევრობის განაცხადებთან დაკავშირებით. როგორც ჩანს, უკრაინისა და მოლდოვისთვის კანდიდატის სტატუსი პირობებით გათვალისწინებულია, თუმცა საქართველო ეჭვქვეშ დგას“, - დაწერა იოზვიაკმა Twitter-ზე.
ევროკომისია, სავარაუდოდ, პარასკევს, 18 ივნისს გამოაქვეყნებს თავის დასკვნებს იმის შესახებ, უნდა მიენიჭოს თუ არა უკრაინას, მოლდოვას და საქართველოს ევროკავშირის წევრობის კანდიდატის სტატუსი.
საბოლოო გადაწყვეტილებას წევრი სახელმწიფოები მომავალ კვირას მიიღებენ.
31 მაისს პრეზიდენტმა ზელენსკიმ განაცხადა, რომ ევროკავშირის წევრების უმრავლესობა დადებითად არის განწყობილი უკრაინისთვის ევროკავშირის წევრობის კანდიდატის სტატუსის რაც შეიძლება მალე მინიჭების თაობაზე.
2 ივნისს, გერმანიის საგარეო საქმეთა მინისტრმა, ანალენა ბერბოკმა, განაცხადა, რომ უკრაინის ევროკავშირში გაწევრიანების შესახებ გადაწყვეტილების მისაღებად ისტორიული მომენტი დადგა.
