ბელგოროდში, „როსნეფტის“ ნავთობსაწყობში ხანძარი ჩამქრალია.
რუსეთის თავდაცვის სამინისტროს ცნობით, უკრაინულმა Mi-24 ვერტმფრენებმა დღეს დილით ადრე საწვავის საწყობზე სარაკეტო იერიში განახორციელეს, რაც რუსეთის საჰაერო სივრცეში უკიდურესად დაბალ სიმაღლეზე შევიდა.
კიევი ამ ინფორმაციაზე კომენტარს არ აკეთებს და ირონიას ამჯობინებს:
„რუსი სამხედრო მოსამსახურეები ბრძანებებს არღვევენ და არ სურთ უკრაინის ტერიტორიაზე შესვლა არსებული საშუალებებით. ნებისმიერ შემთხვევაში, რუსეთის ფედერაციის ხელმძღვანელობა სრულ პასუხისმგებლობას იღებს იმაზე, რაც რუსეთის ტერიტორიაზე ხდება.“ -
ალექსეი არესტოვიჩი, უკრაინის პრეზიდენტის მრჩეველი.
ეს ყველაფერი უკრაინისა და რუსეთის დელეგაციებს შორის მოლაპარაკების პროცესის განახლების ფონზე ხდება.
„რა თქმა უნდა, ეს არ შეიძლება აღიქმებოდეს, როგორც მოლაპარაკებების გაგრძელებისთვის კომფორტული პირობების შექმნა“, - განაცხადა რუსეთის პრეზიდენტის პრესმდივანმა დიმიტრი პესკოვმა რუსული ნავთობბაზის დაბომბვასთან დაკავშირებით.
