უკრაინამ ყველაზე მასშტაბური დრონით თავდასხმა განახორციელა, რომლის სამიზნეც ოთხი რუსული სამხედრო აეროდრომი გახდა, იუწყება „როიტერზე“ დაყრდნობით.
თავდასხმის მიზანი იყო რუსეთის შესაძლებლობების შესუსტება, გამოეყენებინა სამხედრო თვითმფრინავები მართვადი ბომბების დარტყმების განსახორციელებლად.
რუსეთის თავდაცვის სამინისტრომ დაადასტურა თავდასხმის ფაქტი და მიუთითა რეკორდულ რაოდენობაზე - 117 დრონზე, თუმცა კონკრეტული სამიზნეები არ დაუკონკრეტებია. „უკრაინსკა პრავდა“, SBU-ში წყაროზე დაყრდნობით, იტყობინება, რომ თავდასხმები ვორონეჟის, ბორისოგლებსკის, სავასლეიკასა და კურსკის აეროდრომებზე განხორციელდა.
ვორონეჟისა და ნიჟნი ნოვგოროდის რეგიონების გუბერნატორებმა დაადასტურეს დრონებით თავდასხმები, ხოლო რუსეთის თავდაცვის სამინისტრომ განაცხადა, რომ ამ რეგიონებში 48 დრონი ჩამოაგდეს.
უკრაინელი ოფიციალური პირების თქმით, ისინი მეთოდურად აგრძელებენ რუსეთის საჰაერო ძალების შესუსტებას, რომელიც კვლავ ინარჩუნებს საჰაერო უპირატესობას.
