პროტესტი გამოიწვია საკონსტიტუციო ცვლილებების პროექტმა, რომელიც ყარაკალპაკსტანის სუვერენული სტატუსის გაუქმებას ითვალისწინებდა.
უზბეკეთში მასობრივი საპროტესტო აქციები დაიწყო ახალი კონსტიტუციის პროექტის გამოქვეყნების შემდეგ, რომელიც აუქმებდა ყარაყალპაკსტანის ავტონომიურ რესპუბლიკას სუვერენულ სტატუსს და მის ქვეყნიდან გამოყოფის უფლებას. ამ საპროტესტო აქციების შემდეგ პრეზიდენტმა უარი თქვა ასეთ გეგმებზე.
ამის შესახებ DW იტყობინება.
1 ივლისს ათასობით ადამიანი გამოვიდა ქუჩებში საპროტესტო აქციის ნიშნად, ზოგიერთმა დემონსტრანტმა ყარაკალპაკსტანის დედაქალაქ ნუკუსში ადგილობრივი თვითმმართველობის შენობებზე შტურმი სცადა.
ყარაყალპაკსტანის რესპუბლიკის რამდენიმე ქალაქში: ნუკუსში, ჩიმბაიში და მუინაკში, საპროტესტო აქციები დაიწყო. ინტერნეტთან წვდომა გათიშულია, ხოლო მობილური ტელეფონის მომსახურება შეფერხებულია.
პროტესტი გამოიწვია საკონსტიტუციო ცვლილებების პროექტმა, რომელიც ყარაკალპაკსტანის სუვერენული სტატუსის და ქვეყნიდან რეფერენდუმის გზით გამოყოფის უფლების გაუქმებას ითვალისწინებდა.
უზბეკეთის პარლამენტის ზედა და ქვედა პალატებმა მხარი დაუჭირეს პრეზიდენტ შავკატ მირზიიოევის გადაწყვეტილებას, ქვეყნის ჩრდილო-დასავლეთით მდებარე ყარაყალპაკსტანის ავტონომიურ რესპუბლიკაში საგანგებო მდგომარეობის გამოცხადების შესახებ. ამის შესახებ ოლი მეჯლისის საკანონმდებლო (ქვედა) პალატის პრესსამსახურმა განაცხადა.
უზბეკეთის შინაგან საქმეთა სამინისტროს პრესსამსახურის ცნობით, „საზოგადოებრივი წესრიგის დარღვევების თავიდან ასაცილებლად და მოქალაქეების მიერ სხვადასხვა დანაშაულის ჩადენის შესაჩერებლად სამართალდამცავი ძალები და რესურსები იქნა მობილიზებული“.
ამასობაში, ინტერნეტში საშინელი ვიდეოები ვრცელდება, სადაც დემონსტრანტების სისხლით დაფარული ქუჩებია ასახული.
2 ივლისს, ყარაყალპაკსტანის პარლამენტმა, მთავრობამ და შინაგან საქმეთა სამინისტრომ ერთობლივი განცხადება გაავრცელეს. მათ იტყობინებოდნენ, რომ სამართალდამცავებმა არეულობის ორგანიზატორების ჯგუფი დააკავეს, რომლებსაც რეგიონში ხელისუფლების ხელში ჩაგდების მცდელობაში ადანაშაულებენ.
3 ივლისს, უსაფრთხოების ძალებმა მომიტინგეების ძალადობრივი დაკავება დაიწყეს.
ინტერნეტში გავრცელდა ვიდეოები, სადაც ჩანს, თუ როგორ იყენებენ სამართალდამცავი ორგანოების თანამშრომლები ძალას მომიტინგეების წინააღმდეგ. ისინი ძალადობრივად ახვევენ მათ ხელებს. კადრებში როგორც მამაკაცები, ასევე ქალები არიან წარმოდგენილნი.
შეგახსენებთ, რომ უზბეკეთის ცენტრალურმა ბანკმა რუსეთის მოქალაქეებს საერთაშორისო საგადახდო სისტემების საბანკო ბარათების მესამე მხარის მეშვეობით გახსნა აუკრძალა.
