მისი დალევა შესაძლებელია ნაბახუსევის რისკის გარეშე.
„ნოიზელერ კლოსტერის“ ლუდსახარშმა მსოფლიოში პირველი ფხვნილისებრი ლუდი შექმნა. სასმელის მოსამზადებლად უბრალოდ დაამატეთ წყალი. მისი ქაფი და გემო ორიგინალისგან არაფრით განსხვავდება, იტყობინება „ნიუ ატლასი“.
ეს ლუდი თავდაპირველად ტრადიციულად იხარშება, შემდეგ მუშავდება და გარდაიქმნება მყისიერი ფხვნილად. ამჟამად ის უალკოჰოლო სასმელია, თუმცა მომავალში სხვა ვარიანტებიც იქნება ხელმისაწვდომი.
ფხვნილი უკვე საცდელად იყიდება გერმანიის ბაზარზე. შემქმნელები ირწმუნებიან, რომ ხალხი მას მოუთმენლად ყიდულობს. მონასტრის პარტნიორი კომპანიები მასობრივი წარმოების დაწყებას და სხვა ქვეყნებში ექსპორტს 2023 წლის შუა პერიოდისთვის გეგმავენ.
აღსანიშნავია, რომ ფხვნილისებრი ლუდის მაღაზიებში მიწოდება გაცილებით იაფია, ვიდრე ტრადიციული ლუდის ტრანსპორტირება, რომელიც დაახლოებით 90%-ით წყალს შეიცავს. გარდა ამისა, თეორიულად, მასობრივ წარმოებას შეიძლება ნაკლები ხარჯები და რესურსები დასჭირდეს.
