პირველი დეტალები გახდა ცნობილი იმ მოწყობილობის შესახებ, რომლის გამოშვებასაც Apple-ის ყოფილი მთავარი დიზაინერი ჯონი აივი და OpenAI-ის აღმასრულებელი დირექტორი სემ ალტმანი აპირებენ.
„ფაინენშალ ტაიმსის“ ცნობით, ალტმანს სურს, აივის დიზაინერული ფირმა LoveFrom-ი OpenAI-ის პირველი სამომხმარებლო მოწყობილობის შესაქმნელად დაიქირაოს. ალტმანმა და აივმა პროდუქტის დიზაინი LoveFrom-ის სან-ფრანცისკოს ოფისში განიხილეს.
გამოცემის წყაროების ცნობით, აივს და ალტმანს სურთ შექმნან მოწყობილობა, რომელიც ხელოვნურ ინტელექტთან ურთიერთქმედებისთვის „უფრო ბუნებრივ და ინტუიციურ მომხმარებლის გამოცდილებას“ უზრუნველყოფს. მათი დიზაინი შთაგონებულია პირველი iPhone-ით და იმით, თუ როგორ მოახდინა სმარტფონებზე სენსორულმა ეკრანმა რევოლუცია მოახდინა მობილურ ინტერნეტთან ურთიერთქმედებაში.
Softbank-ის აღმასრულებელი დირექტორი მასაიოში სონი მზადაა მოწყობილობაში 1 მილიარდი დოლარი ჩადოს, მაგრამ მხოლოდ იმ პირობით, რომ პროექტში Arm-ი ჩაერთვება, რომლის აქციების 90%-საც სონი ფლობს.
OpenAI-თან ერთად, აივი გეგმავს შექმნას ეკრანზე ნაკლებად დამოკიდებული გამოთვლითი მოწყობილობა. პროექტი ჯერ კიდევ საწყის ეტაპზეა და იდეები განიხილება.
