სტამბოლის ცენტრში, ტაქსიმის მოედანთან ახლოს, რუსი ტურისტი გულში დანით მიყენებული ჭრილობის შედეგად გარდაიცვალა, იუწყება გამოცემა „ჰაბერტურკი“. ჩხუბი 40 წლის ვლადისლავ ნეჩიპორჩუკსა და კიდევ ოთხ ადამიანს შორის მოხდა.
თავდამსხმელები, რომლებმაც რუსს გულში დანა ჩაარტყეს, გაიქცნენ. ინციდენტის თვითმხილველებმა პოლიციას და სამედიცინო პერსონალს შეატყობინეს სიტუაციის შესახებ. ნეჩიპორჩუკი საავადმყოფოში გარდაიცვალა.
„ჩვენ დავინახეთ კაცი ხელში დანათი. ის აქნევდა დანას. როდესაც [გარდაცვლილის] ტანსაცმელი ავიღეთ, რომელიც მიწაზე იწვა, ბევრი სისხლი დავინახეთ. პირველადი დახმარების გაწევა ვცადეთ“, - თქვა თვითმხილველმა ჰუსეინ იორულმაზმა.
პოლიციამ ორი ეჭვმიტანილის დაკავების შესახებ განაცხადა. დანარჩენების ძებნა გრძელდება. რუსეთის გენერალურმა საკონსულომ განაცხადა, რომ კონტაქტზეა სამართალდამცავ ორგანოებთან.